Мемлекет басшысы кәсіпорынды аралау кезінде вагондарды құрастыру өндірісіне арналған технологиялық жабдықтарды іске қосу және қолдану барысымен танысты. Қазақстан Президентіне кәсіпорынның өндірістік қызметі және жүк вагондарын шығаруды локализациялау туралы баяндалды. Нұрсұлтан Назарбаев цехтарды аралап көріп, кәсіпорын жұмысшыларымен әңгімелесті. «Қазақстанның вагон жасау компаниясы» ЖШС-нің өндірістік қуаты 2000 жартылай вагон және 500 жабық вагон шығаруға жетеді. Онда 619 адам жұмыс істейді. 2014 жылы фитингтік платформалар шығару жобасын, ал 2015 жылы цистерналар шығару жобасын жүзеге асыру жоспарланған.